अन्न

निरोगी शरीरासाठी योग्य प्रमाणात संतुलित आहाराची गरज असते. यामध्य प्रथिने, कार्बोहायड्रेट, चरबी, जीवनसत्त्वे आणि खनिजे यांचा समावेश होतो. आपल्या शरीराला कार्य करण्यासाठी आवश्यक प्रमाणात लागणारे सर्व पोषक तत्व संतुलित आहारातून मिळतात. ताज्या आणि पालेभाज्या त्यासाठी उपयुक्त असतात. फळांमधून जीवनसत्व आणि खनिजे मिळतात. उदा. केळी, सफरचंद, नारळ, संत्री, द्राक्षे, किवी इ. शरीराच्या योग्य कार्यासाठी पोषक तत्वांनी समृद्ध असलेले अन्न खाणे आवश्यक आहे.आपल्या दिर्घ आयुष्यासाठी सकस व पौष्टीक आहाराची गरज असते, सकस पदार्थांचे सेवन करून खाण्याच्या चांगल्या सवयी लावाव्यात. जीवनसत्वांचे योग्य प्रमाणात सेवन आपले हाडे, दात आणि त्वचा निरोगी ठेवतात,

तसेच रोगांशी लढण्यासाठी मदत करतात. भाजीपाला आणि तृणधान्ये: यामध्ये भरपूर जीवनसत्त्वे आणि खनिजे असतात. दूध, लोणी, चीज इ पदार्थांना दुग्धजन्य पदार्थ असेही संबोधले जाते. दुग्धजन्य पदार्थ ही गायी, शेळ्या, म्हैस इत्यादी पाळीव प्राण्यांपासून मिळवलेली उत्पादने आहेत. दुग्धजन्य पदार्थ अत्यंत पौष्टिक आणि कॅल्शियमने समृद्ध असतात. भाज्या तसेच हिरव्या पालेभाज्या आरोग्यासाठी लाभदायक असतात जसे कि पालक, मेथी इ. मासे आणि मांसयुक्त पदार्थ हे प्रथिनांचे मुख्य स्त्रोत आहेत. मासे आणि मांस खाल्ल्याने शरीराला प्रथिनांच्या स्वरूपात पोषण मिळते. ते वाढ आणि देखभालीसाठी उपयुक्त ठरतात. तृणधान्ये आणि शेंगा कार्बोहायड्रेट्सचा उत्तम स्रोत आहेत जसे की बाजरी, कॉर्न, नाचणी इ.